17 noyabr kuni olib borilgan “Xavfsiz hudud” profilaktik tadbirlari davomida IIV, DXX va Toshkent shahar IIBB Jinoyat qidiruv boshqarmasi xodimlari muqaddam sudlangan 48 yoshli Arsen o`z uyida qurol yasash bilan shug`ullanishini aniqladilar. Bu haqda poytaxt IIBB Axborot xizmati xabar berdi.
Ma`lum qilinishicha, mazkur shaxsning yashash joyi tekshirilganda u erdan revolver va to`pponcha topilib, ballistika ekspertizasiga yo`naltirildi. Ekspertizaning xulosasiga ko`ra fuqaroning xatti-harakatlariga huquqiy baho beriladi.
"Fuqarolardan ushbu xatti-harakat uchun O`zbekiston Respublikasi Jinoyat kodeksining 248-moddasida (“Qurol, o`q-dorilar, portlovchi moddalar yoki portlatish qurilmalariga qonunga xilof ravishda egalik qilish”) javobgarlik ko`zda tutilganligiga e`tibor qaratishlarini so`raymiz", - deyiladi xabarda.
