Shavkat Mirziyoev Birlashgan Arab Amirliklari vise-prezidenti bilan telefon orqali so`zlashdi

Jamiyat 02.12.2021, 23:06
Teglar: Shavkat Mirziyoev
Shavkat Mirziyoev Birlashgan Arab Amirliklari vise-prezidenti bilan telefon orqali so`zlashdi

O`zbekiston Respublikasi Prezidenti Shavkat Mirziyoev 2 dekabr kuni Birlashgan Arab Amirliklari Vise-prezidenti, Bosh vaziri, Dubay Amirligi hokimi Muhammad bin Roshid ol Maktum bilan telefon orqali so`zlashdi. Bu haqda Prezident Matbuot xizmati xabar berdi

Suhbat avvalida O`zbekiston etakchisi Amirliklar Vise-prezidentini qutlug` bayram - ushbu mamlakat tashkil topganining 50 yilligi bilan muborakbod etib, farovonlik, barqaror taraqqiyot va ravnaq tilaklarini izhor etdi.

BAA ijtimoiy-iqtisodiy, innovasion va gumanitar taraqqiyotning barcha soha va yo`nalishlarida katta yutuqlarga erishayotgani, mamlakatning xalqaro maydondagi nufuzi ortib borayotgani alohida ta`kidlandi. Bularning barchasi Dubayda muvaffaqiyatli o`tkazilayotgan EXPO butunjahon ko`rgazmasi tadbirlarida ham o`z tasdig`ini topmoqda.

O`zbekiston Prezidenti va Amirliklar Vise-prezidenti har doimgidek yaqin va do`stona ikki tomonlama aloqalarni yanada mustahkamlash hamda ko`p qirrali sheriklikni, eng avvalo, savdo-iqtisodiy va investisiya sohalarida kengaytirish uchun keng imkoniyatlar mavjud ekanini qayd etdilar.

Yuqori texnologiyalar va innovasiyalar, “yashil” energetika, savdo va logistika, shuningdek, intellektual salohiyatni ro`yobga chiqarish sohalarida istiqbolli qo`shma loyihalarni ilgari surishga alohida e`tibor qaratildi.

Faol muloqotni davom ettirish va barcha yo`nalishlarda keng ko`lamli hamkorlikni davom ettirish yuzasidan kelishuvga erishildi.

Telefon orqali muloqot ochiq, do`stona va ishonchli ruhda o`tdi.

Sharhlar

Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...
Shavkat Mirziyoev Urganchda Jaloliddin Manguberdi haykalini ochib berdi (foto)

29.08.2022, 11:46

Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...
Shavkat Mirziyoev tashrifni Madinai Munavvara ziyoratidan boshladi (video)

17.08.2022, 16:42

Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...
Ob-havo: Toshkent
Valyuta kursi
1