Shavkat Mirziyoev Nur-Sulton shahridagi Raqamli hukumat ofisiga tashrif buyurdi

Jamiyat 06.12.2021, 20:20
Teglar: Shavkat Mirziyoev
Shavkat Mirziyoev Nur-Sulton shahridagi Raqamli hukumat ofisiga tashrif buyurdi

O`zbekiston Prezidenti Shavkat Mirziyoev Qozog`iston Bosh vaziri Asqar Mamin hamrohligida Nur-Sulton shahridagi EXPO ishbilarmonlik markazida joylashgan Raqamli hukumat ofisiga tashrif buyurdi. Bu haqda Prezident Matbuot xizmati xabar berdi

Ushbu muassasa joriy yil sentyabr oyida ochilgan. Uning tarkibiga Milliy tahlil markazi, Raqamli transformasiya markazi va Milliy loyiha ofisi kiradi.

Davlatimiz rahbari situasion markaz imkoniyatlari bilan ham tanishdi. Markaz barcha ma`lumotlar bazalariga ulanadi va hududlar bilan yaqindan hamkorlik qiladi, bu esa real vaziyatni onlayn ravishda ko`rish, masalan, mamlakatda emlash sur`atlari to`g`risidagi ma`lumotlarni kuzatib borish imkonini beradi.

Ichki va tashqi savdo bo`yicha tahliliy platforma imkoniyatlari namoyish qilindi. Uning yordamida oziq-ovqat narxlarini onlayn ravishda monitoring qilish va narx-navoning prognoz ko`rsatkichlarini shakllantirish mumkin. Bundan tashqari, ofis negizida innovasiyalar va aerokosmik sanoat sohalaridagi loyihalar ishga tushiriladi.

Ofis mutasaddisi O`zbekistonda inson kapitalini rivojlantirish, IT-parklar tashkil etish, dasturchilar tayyorlash, davlat xizmatlarini onlayn ko`rsatish bo`yicha qilinayotgan ishlarni e`tirof etib, Qozog`iston ham shu yo`ldan borayotganini aytdi.

Davlatimiz rahbari bu sohada tajriba almashish, davlat xizmatlari sohasiga sun`iy intellekt texnologiyalarini keng joriy etish, har bir hayotiy vaziyatni tahlil qilib, odamlarga qulaylik yaratish muhimligini ta`kidladi.

Prezident Shavkat Mirziyoevning Qozog`istonga davlat tashrifi yakunlandi.

Sharhlar

Gurbanguli Berdimuhamedov Shavkat Mirziyoevga turkman xalqi alohida qadrlaydigan alabay zotli kuchuk sovg`a qildi

21.10.2022, 13:45

Turkmanistonga rasmiy tashrif doirasida O`zbekiston Prezidenti Shavkat Mirziyoev ushbu mamlakat Parlamentining yuqori palatasi raisi Gurbanguli Berdimuhamedov bilan uchrashdi, deya xabar bermoqda Prexident matbuot xizmati. Davlatimiz rahbari...
"Afg`onistondagi vaziyatni hal etish va u erda tinch hayotni tiklash muhim". Shavkat Mirziyoev Ostonadagi sammitda nutq so`zladi

13.10.2022, 11:20

O`zbekiston Prezidenti Shavkat Mirziyoev Ostona shahrida bo`lib o`tayotgan Osiyoda hamkorlik va ishonch choralari bo`yicha kengash VI sammitida nutq so`zladi. O`zbekiston rahbari Afg`onistondagi vaziyatni hal etish va...
Shavkat Mirziyoev Urganchda Jaloliddin Manguberdi haykalini ochib berdi (foto)

29.08.2022, 11:46

Avval xabar qilganimizdek, Bugun Prezident Shavkat Mirziyoev Urganch shahrida buyuk sarkarda va davlat arbobi Jaloliddin Manguberdi haykalining tantanali ochilish marosimida ishtirok etish uchun Xorazm viloyatiga...
Shavkat Mirziyoev tashrifni Madinai Munavvara ziyoratidan boshladi (video)

17.08.2022, 16:42

Saudiya Arabistoni Podshohi Salmon bin Abdulaziz Ol Saudning taklifiga binoan ushbu mamlakatga borgan O`zbekiston Respublikasi Prezidenti Shavkat Mirziyoev tashrifni Madinai munavvara ziyoratidan boshladi. O`zbekiston rahbari Madina...
Ob-havo: Toshkent
Valyuta kursi
1