Ijtimoiy tarmoqlarda avtomashinasiga "mayoqcha" o`rnatib, mashinani harakatlantirgan haydovchi aks etgan video tarqaldi. Ma`lumotga ko`ra, ushbu video IIB YHXB xodimlari tomonidan o`rganilib, haydovchiga tegishli chora ko`rilgan. Bu haqda YHXBB xabar bermoqda.
Ta`kidlanishicha, "Lacetti" rusumli avtomobil haydovchisi qoidalarni buzgan holda transport vositasiga ruxsat etilmagan mayoqcha va jihozlar o`rnatib mashina boshqargan.
Uning olgan videosi yuzasidan esa Andijon viloyati IIB YHXB xodimlari tomonidan surishtiruv olib borilib, "Lacetti" rusumli avtomobil haydovchisi, 2001 yilda tug`ilgan N.S.ga nisbatan bayonnoma tuzilib, avtomobil jarima maydoniga qo`yilgan.
Qayd etilishicha, ayni damda to`plangan hujjatlar O`zbekiston Respublikasi Ma`muriy javobgarlik to`g`risidagi Kodeksning 127-moddasi ikkinchi qismi tartibida o`rganib chiqishlik uchun Jinoyat ishlari bo`yicha Andijon shahar sudiga yuborish choralari ko`rilmoqda.
"Barcha haydovchilardan qoidalarga rioya qilishlarini so`raymiz",-deya haydovchilarni ogohlikka chaqiradi YHXBB xabarida.
