Yangi yil arafasida Pekin metropolitenining Yanshan-Fanshan yo`nalishidagi metro poezdi vagonlarini ajratib turgan qismlarni demontaj qilish ishlari yakunlandi.
Xitoyning etakchi gazetalaridan biri “Jenmin jibao”ning yozishicha, mashinist kabinasi olib tashlangan va erosti yo`li poezdini haydovchisiz boshqarish yo`lga qo`yilgan. Endilikda yo`lovchilar haydovchi kabinasidan turib yo`l atrofidagi manzaralarni kuzatish imkoniga ega bo`ldi.
To`qqizta stansiyadan iborat 15 kilometrlik ushbu metro yo`nalishi 2017 yil 30 dekabrda ochilgan edi. “Yuqori malakali mutaxassislarning sa`y-harakati bilan metro poezdining avtomatik tarzda ishlashining mukammaligiga erishildi”, - deb yozadi Xitoy nashri. "Metro poezdining butun harakatlanish jarayoni inson omilisiz amalga oshiriladi."
