Ijtimoiy tarmoqda tarqalgan Guliston tumanidagi gaz to`ldirish shaxobchasida "Zil MMZ-554" yuk avtomobilida yong`in yuzaga kelganligi bo`yicha ma`lumot berildi.
Dastlabki ma`lumotlarga ko`ra, bugun, 2022 yil 28 yanvar kuni soat 20:00 larda, Guliston tumani, "Mevazor" MFY hududida joylashgan gaz to`ldirish shaxobchasida, haydovchi, 1980 yilda tug`ilgan J.X. gaz to`ldirish vaqtida xavfsizlik qoidalariga rioya qilmasdan (ulagich uzilmasdan), "Zil MMZ-554" rusumli yuk avtomobilini harakatga keltirganligi oqibatida avtomobilda yong`in yuzaga kelgan. Yong`in o`t o`chiruvchilar tomonidan bartaraf etilgan.
Hodisa natijasida tan jarohati olgan fuqarolar yo`q.
Hozirda tuman FVB va YHXB xodimlari tomonidan surishtiruv olib borilmoqda.
