Bugun ijtimoiy tarmoqlar orqali yurtimizda vaksina olgan fuqarolar uchun 750 ming so`m miqdorida pul mablag`i berilayotgani haqida xabarlar tarqalmoqda.
Sog`liqni saqlash vazirligi mazkur holatga aniqlik kiritdi.
Ma`lum qilinishicha, koronavirus pandemiyasi davrida ayrim ijtimoiy tarmoq sahifalari orqali turli asossiz, hech qanday haqiqatga to`g`ri kelmaydigan va rasmiy manbalar orqali tasdiqlanmagan uydirma ma`lumotlarni tarqatish hollari tez-tez kuzatilmoqda.
Bu esa, o`z navbatida, keng jamoatchilik orasida turli tushunmovchiliklarning yuzaga kelishiga, ba`zi hollarda esa ortiqcha sarosimalarga sabab bo`lmoqda. Jumladan, vaksina olgan fuqarolar uchun 750 ming so`m miqdorida pul mablag`i berilayotgani haqidagi yuqorida keltirilgan axborot ham ana shunday maqsadda tarqatilgan bo`lib, hech qanday rasmiy asosga ega emas.
Shu bois vazirlik aholidan bu kabi feyk xabarlarga ishonmasliklarini, vaksinasiya jarayonlari bilan bog`liq eng to`g`ri ma`lumotlarni Sog`liqni saqlash vazirligining rasmiy ssv.uz sayti hamda telegramdagi https://t.me/ssvuz, https://t.me/ssvmatbuotkotibi sahifalari orqali olishlari mumkinligini eslatib o`tadi.
Ma`lumot uchun: bu kabi yolg`on xabarlarni tarqatish tegishli tartibda javobgarlikka sabab bo`ladi.
Mavzuga doir: Endilikda O`zbekiston bo`ylab koronavirusga qarshi emlanganlar qimmatbaho buyumlar yutib olish imkoniga ega bo`ladi
Farg`onada koronavirusga qarshi vaksina olgan fuqaro "Malibu" yutib oldi
