Nogironligi bo`lgan shaxslarni ijtimoiy qo`llab-quvvatlash choralarini yanada kuchaytirishga qaratilgan O`zbekiston Respublikasi Prezidentining Farmoni qabul qilindi. Bu haqda Moliya vazirligining Matbuot xizmati ma`lum qildi.
Farmonga ko`ra, endilikda nogiron bo`lib qolishi muddatidan qat`i nazar nogironligi bo`lgan shaxslarga bir xil miqdorda 622 ming so`mga teng nafaqa tayinlanib boriladi. Daslabki hisob-kitoblarga asosan 49 ming nafar nogironligi bo`lgan shaxslar uchun nafaqa 41 foizga oshadi.
Nogironligi bo`lgan shaxslarga beriladigan nafaqa miqdoridan past bo`lgan nogironlik pensiyalari miqdori 622 ming so`mgacha etkaziladi. Bunda nogironlik pensiyasini oluvchi 133 ming shaxslarning pensiya miqdori o`rtacha 29 foizga oshadi.
Doimiy parvarishga muhtoj bo`lgan 18 yoshgacha nogironligi bo`lgan bolalarni parvarish qiluvchi ona(ota)larga minimal iste`mol xarajatlardan kam bo`lmagan miqdorda (500 ming so`m) nogiron bola parvarishi uchun yangi nafaqa joriy etilmoqda.
