25-29-mart kunlari O`zbekiston futbol assosiasiyasi tomonidan “Navruz Cup-2022” xalqaro o`rtoqlik turnirini tashkil etiladi. Unda mezbon O`zbekiston terma jamoasi bilan birgalikda Tojikiston, Qirg`iz Respublikasi va Uganda terma jamoalari ishtirok etishadi. Bu haqda O`zbekiston futbol assosiasiyasi matbuot xizmati xabar bermoqda.
Jamoalar dastlab yarim final uchrashuvlarini o`tkazishadi. G`oliblar birinchi o`rin uchun, mag`lub jamoalar esa uchinchi o`rin uchun kurash olib boradi. Barcha o`yinlar Namangandagi “Markaziy” stadionida bo`lib o`tishi rejalashtirilmoqda.
