25-29-март кунлари Ўзбекистон футбол ассоциацияси томонидан “Navruz Cup-2022” халқаро ўртоқлик турнирини ташкил этилади. Унда мезбон Ўзбекистон терма жамоаси билан биргаликда Тожикистон, Қирғиз Республикаси ва Уганда терма жамоалари иштирок этишади. Бу ҳақда Ўзбекистон футбол ассоциацияси матбуот хизмати хабар бермоқда.
Жамоалар дастлаб ярим финал учрашувларини ўтказишади. Ғолиблар биринчи ўрин учун, мағлуб жамоалар эса учинчи ўрин учун кураш олиб боради. Барча ўйинлар Намангандаги “Марказий” стадионида бўлиб ўтиши режалаштирилмоқда.
