O`zbekiston gidrometeorologiya xizmati markazi 10 mart ob-havosini prognoz qildi.
Unga ko`ra, bugun respublikaning asosiy hududida yog`ingarchilik kutilmaydi. Qoraqalpog`istonda va Xorazm viloyatida ba`zi joylarda yomg`ir yog`adi, Buxoro va Navoiy viloyatlarida kunning ikkinchi yarmida yomg`ir yog`ishi mumkin. Joylarda shamol tezligi 18-23 m/s gacha kuchayishi mumkin. Havo harorati 16-21° iliqgacha isiydi.
Poytaxtda yog`ingarchilik kutilmaydi. Shamol 5-10 m/s tezlikda esadi. Harorat 17-19° iliq bo`ladi.
Tog`li hududlarda ham yog`ingarchilik kutilmaydi. Ba`zi joylarga tuman tushishi mumkin. Shamol tezligi 18-23 m/s gacha kuchayishi mumkin. Harorat 2-7° iliq bo`ladi.
