Ayni paytda bo`lib o`tayotgan Prezidentning sog`liqni saqlash sohasi vakillari bilan ochiq muloqotida sohasi iqtisodchi bo`lgan Behzod Musaevning sog`liqni saqlash vaziri etib tayinlangani sababi aytib o`tildi. Bu haqda "darakchi.uz" muxbiri Sardorbek Rahmonqulov xabar bermoqda.
"Nima uchun men iqtisodchini vazir qilib qo`ydim? Transformasiya jarayoni ketyapti. Biz sohadagi hisob-kitobni joyiga qo`yishimiz kerak" — dedi Shavkat Mirziyoev.
Davlat rahbarining qayd etishicha, 2022 yilning o`zida sohaga byudjetdan 24 trillion so`m yoki 2016 yilga nisbatan 4 barobar ko`p mablag` yo`naltirilmoqda.
O`tgan besh yilda shifoxonalar va tez tibbiy yordam punktlarini dori-darmon, tibbiyot buyumlari bilan ta`minlashga ajratilayotgan mablag`lar 12 barobar ko`paytirildi. Xalqaro moliya tashkilotlaridan 700 million dollardan ziyod mablag`lar jalb qilindi.
