Ijtimoiy tarmoqlarda “Bu qizni hech kim qaytara olmayapti” nomi bilan videolavha tarqalgan edi. Holat yuzasidan Navoiy viloyati IIB Rasmiy munosabat bildirdi.
Xabarga ko`ra, Navoiy tumanida tug`ilgan 38 yoshli Sh.D. 9 mart kuni soat 07:30 larda qizi A.R. bilan birgalikda Karmana tumani «Beshkent» mahallasida joylashgan umumiy ovqatlanish joyida jamiyatda yurish-turish qoidalarini qasddan mensimasdan, o`zaro janjal ko`targan.
Xususan, ayol fuqaro B.N.ni qo`l va oyoqlari bilan urib, uning ustiga qizib turgan yog`ni sepib yuborgan. Karmana tumani STEBning xulosasiga ko`ra, B.N.ga o`ng qo`l bilak sohasi va barmoqlar uchki sohalari taxminan 2-3 foiz yuzasining I-II darajali termik kuyishi (yog`dan) kabi jarohat etkazilgan.
Bundan tashqari, u o`zining jinoiy xatti-harakatlarini takroran davom ettirib, shu yilning 18 mart kuni taxminan soat 05-30 larda o`g`li A.A bilan birgalikda yana o`sha joyda B.N bilan janjallashadi. Janjal vaqtida, B.Nni qo`l va oyoqlari bilan tanalarining turli sohalariga urib, tepib, unga tan jarohati etkazgan.
Fuqaro Sh.D. va uning voyaga etmagan farzandalrining bir guruh bo`lib sodir etgan mazkur harakatlariga tergov jarayonida huquqiy baho beriladi.
Axloq qoidalarini mensimasdan, namoyishkorona bezorilik qilgani uchun fuqaro Sh.Dga nisbatan O`zbekiston Respublikasi JKning 277-moddasi 3-qismi “a” bandi bilan jinoyat ishi qo`zg`atilib, tergov harakatlari olib borilmoqda. Gumonlanuvchi ayni paytda prosessual tartibda ushlangan.
