Tovar-moddiy boyliklarni yurtimizga turli yashirin yo`llar bilan olib kirishga bo`lgan urinishlar xanuz davom etmoqda. Navbatdagi xuquqbuzarlik “Do`stlik” chegara bojxona posti xodimlari tomonidan o`z vaqtida fosh etildi. Bu haqda Andijon viloyati bojxona boshqarmasi Axborot xizmati xabar qilmoqda.
Xususan, qo`shni Qirg`iziston Respublikasi orqali yurtimizga kirib kelgan fuqaro A.Fga tegishli bo`lgan qo`l yuklari ko`zdan kechirilganida, bojxona xodimining og`zaki so`rovida ma`lum qilmagan hamda deklarasiyada yozib ko`rsatilmagan 16 697 dona umumiy qiymati 79 540 000 so`mlik kapsula ko`rinishidagi dori vositalari borligi aniqlandi.
Hozirda mazkur holat yuzasidan bojxona organlari tomonidan tergovga qadar tekshiruv harakatlari davom ettirilmoqda.
