Favqulodda vaziyatlar vazirligi xabariga ko`ra, hodisa M.Ulug`bek tumani Mustaqillik shox ko`chasida sodir bo`lgan.
Shunga ko`ra, bugun soat 13:43da mazkur hududda yong`in sodir bo`layotganligi to`g`risida shahar FVBga xabar kelib tushgan.
Qayd etilishicha, 2 ta yong`in-qutqaruv ekipaji soat 13:49 da voqea joyiga etib borib, soat 13:52 da yongin bartaraf etilgan.
Yong`in natijasida avtomobilning motor va salon qismi yonib zaralangani aytiladi.
Ma`lum qilinishicha, tan jarohati olgan va halok bo`lganlar yo`q.
"Hozirda yong`inning kelib chiqish sababi va moddiy zarar miqdori aniqlanmoqda",-deyiladi xabarda.
