Bir oy muddatda yaratiladigan ushbu loyiha natijasida Yakkabog`, Chiroqchi, Qamashi, Shahrisabz va Kitob tumanlarida 25 ming gektar erlarni suv bilan ta`minlash ko`zda tutilgan.
Shuningdek, Shavkat Mirziyoev mutasaddilarga quyidagi topshiriqlarni berdi:
● 337 mlrd so`m hisobidan ichimlik suv ta`minoti va kanalizasiya tizimini yaxshilash bo`yicha loyihalarni bir hafta muddatda boshlash;
● qo`shimcha ajratilgan 354 mlrd so`m evaziga yo`llar va ko`priklarni ta`mirlash ishlarini sifatli amalga oshirish.
"Qashqadaryoda ichimlik suvi bilan ta`minlashni to`liq 100 foizga etkazish uchun harakatdan to`xtamaymiz" — Shavkat Mirziyoev
Infratuzilma dasturi doirasida va qo`shimcha ajratilayotgan jami 575 mlrd so`m hisobidan 1 823 kilometr ichimlik suv tarmoqlari, 74 ta suv inshooti quriladi va rekonstruksiya qilinadi.
Natijada 500 ming nafar aholi ilk bor sifatli ichimlik suv bilan ta`minlanadi, 160 ming nafar aholining suv ta`minoti yaxshilanadi. Markazlashgan ichimlik suv ta`minoti 43 foizdan 58 foizga etkaziladi.
Davlatimiz rahbari hududlarda tadbirkorlik loyihalarini moliyalashtirish uchun qo`shimcha 300 mln dollar mablag` ajratish to`g`risidagi qarorni imzolagani, shundan 45 mln dollar Qashqadaryodagi tadbirkorlar loyihalarini moliyalashtirish uchun yo`naltirilishini ma`lum qildi.
