Xabaringiz bor, Prezidentning tegishli farmoniga binoan, 2022 yil 1 iyundan boshlab byudjet tashkilotlari xodimlarining ish haqi 12 foizga oshiriladi.
Shuningdek, 2022 yil 1 iyundan boshlab:
"darakchi.uz" O`zbekistonda oylik ish haqi oshishi munosabati bilan ayni paytda fuqarolarning qancha maosh olishlari bilan qiziqdi va aholi o`rtasida so`rovnoma olib bordi.
Berilgan javoblarga ko`ra, gazeta musahhihi 1,6 million so`m, maktab o`qituvchisi 3 million so`m, telekanal xodimi 4-5 million so`m, yakka tartibdagi tadbirkor 4-5 million so`m, cho`ponlik bilan shug`ullanuvchi shaxs 1,5-2 million so`m, operator 5-6 million so`m, Ko`zi ojizlar jamiyati raisi 1,2 million so`m maosh oladi. Shuningdek, yana bir tadbirkorning ma`lum qilishicha, uning "qo`lida" ishlovchi xodimlar 1,5-2 million so`mdan ish haqi olishadi.
Shuningdek, "darakchi.uz" saytining telegram kanalida ham "Sizning oylik ish haqiningiz qancha?" savoli ostida so`rovnoma o`tkazdik. Ishtirokchilarning 58 foizi 1-3 million so`m, 25 foizi 3-5 sillion so`m, 10 foizi 7-10 million so`m, 7 foizi esa 5-7 million so`m atrofida ish haqi olishlarini bildirgan.
Bundan tashqari keltirilgan izohlarda, 1 million so`mga etmaydigan maoshga ega bo`lgan yurtdoshlarimiz ham borligi ma`lum bo`ldi.