Bugun Kozimjon Komilovning Oliy sud raisi sifatidagi vakolat muddati tugaydi. Bu haqda amaliyotchi yurist Saidali Muxtoraliev o`zining shaxsiy sahifasida yozmoqda.
Uning aytishicha, nafaqat sud tizimi xodimlari, balki sudga ishi tushgan insonlar uchun ham bugun-erta o`ziga yarasha hayajonli bo`ladi. Chunki 28 may kuni Senatning navbatdagi yalpi yig`ilishi o`tkaziladi. Oliy sud raisini saylash ham aynan ularning vakolatiga kiradi.
Senat Komilovni navbatdagi muddatga saylarmikan desam, yalpi yig`ilishning rasmiy kun tartibidan sudlarga doir birorta masala o`rin olganiga ko`zim tushmadi.
Biroq boshqa tomondan yalpi yig`ilish boshlanishidan avval, ya`ni o`sha kuni bu qo`shimcha masala sifatida ham qo`yilishi mumkin. Ehtimollar nazariyasini hisobga olib qo`yamiz, deb yozadi Saidali Muxtoraliev.
