Kinematografiya agentligi hamda “Hujjatli va xronikal filmlar kinostudiyasi” DUK tomonidan suratga olingan “Matonat” hujjatli filmi Sevastopol shahrida o`tkazilgan “Zolotoy vityaz” XXXI xalqaro kinoforumida “Gran pri” bilan taqdirlandi. Shu bilan birga, mazkur kinofestivalda Agentlik buyurtmasiga binoan suratga olingan “Meros” filmiga maxsus diplom taqdim etildi.
"Matonat" filmi Samarqand viloyati hokimligi ko`magida suratga olingan. Unda Ikkinchi jahon urushida Niderlandiyaning Amersfort konslagerida asir tushgan 101 o`zbek askarlari haqida hikoya qilinadi.
Ssenariy muallifi Rozika Mergenbaeva, rejissyor Shuhrat Mahmudov, operatorlar Rifkat Ibragimov, Rustam Magadiev, rassom Bektosh Rajabov, kompozitor Dmitriy Yanov-Yanovskiy, kartina direktori Gulnara Abduraximova.
“Meros” badiiy filmi o`zbek va qozoq millatlarining abadiy do`stligi, milliy an`analar va do`stona bag`rikenglik haqida hikoya qiladi.
Ssenariy muallifi va rejissyor Hilol Nasimov, postanovkachi operator Husan Aliev, kompozitor Dmitriy Yanov-Yanovskiy, postanovkachi rassom Fazliddin Turdiev, ikkinchi rejissyor Mashrab Alikulov.
Kinematografiya agentligi jamoasi ushbu ikki film ijodkorlarini xalqaro mukofot bilan tabriklaydi va kelgusi ijodiy ishlarda muvaffaqiyatlar tilaydi.
