Sevimli

"101 reys" filmining katta premerasi bo`lib o`tdi

Madaniyat 02.06.2022, 13:34
"101 reys" filmining katta premerasi bo`lib o`tdi

1-iyun kuni Kinochilar uyida Akrom Shahnazarov rejissyorligidagi “101 reys” filmining premerasi bo`lib o`tdi. Film Kinematografiya agentligi va “Yoshlik” kinostudiyasi tomonidan suratga olingan. Bu haqda Kinematografiya agentligi Axborot xizmati yozmoqda.

Filmda "Boing 757" samolyoti ekipaji va yo`lovchilari bilan sodir bo`lgan ahamiyatli kun va voqealar haqida hikoya qilinadi. 2001-yil 11-sentyabr, erta tongda “O`zbekiston havo yo`llari” milliy aviakompaniyasining samolyoti Toshkentdan havoga ko`tarildi. Bu parvoz  tajribali uchuvchi Zarif Saidazimovning so`nggi, yakunlovchi parvozi bo`ldi.

"«101-reys» kinokartinasi mard qahramonlar hamisha oramizda ekanligini isbotlovchi film bo`lgan. Unda nafaqat samolyot ekipaji, balki xavf-xatarga duch kelganda kuchlarini yig`ib, o`zlarining kuchli xislatlarini ochib bera oladigan oddiy odamlarning jasorati, ular o`z ishining ustasi ekanligi va matonati aks ettirilgan. Bugungi premera - filmdagi bosh rollardan birini yaratgan, ammo premerani ko`rishgacha umr ko`rmagan va bugungi bayramni biz bilan baham ko`ra olmagan sevimli aktyorimiz  Hoshim Arslonovning xotirasiga hurmat-ehtirom hamdir. Prezident Shavkat Mirziyoev tashabbusi bilan o`tkazilayotgan madaniy-ma`rifiy tadbirlar doirasida, Qashqadaryoda “101 reys” filmining ilk namoyishi allaqachon bo`lib o`tgan. Bugun esa film toshkentlik tomoshabinlarga namoyish etilmoqda”, - deya izoh berdi, O`zbekiston Kinematografiya agentligi  Bosh direktori Firdavs Abduxoliqov.

“Premera kuni uzoq kutilgan kun, bu kun  har bir aktyor, butun suratga olish guruhi uchun bayram kunidir. Men ushbu filmning premerasini intiqlik bilan kutgandim, chunki uning syujeti- men uchun juda qadrli. Mening filmografiyamda, "101 reys" filmining alohida o`rni bor. S`yomka jarayonlari uzoq davom etdi va ijodiy ishlarimning eng qiziqarlisi bo`ldi”, - deya o`rtoqlashdi aktyor Umid Iskandarov.

Film ssenariysi muallifi va rejissyori Akrom Shaxnazarov, postanovkachi operator Dilmurod Turdiboev,  rassom Alisher To`laboev, liboslar bo`yicha rassom Shahnoza Abdullajonova.

Bosh rollarda: Hoshim Arslonov, Umid Iskandarov, Oleg Galaxov, Lola Eltoeva, Erkin Bozorov, Xurshid To`xtaev va boshqalar.

 

Sharhlar