Andijon shahridagi xonadondan 3 va 8 yoshdagi ikki bolaning jasadi topildi. Andijon viloyati prokuraturasi xabariga ko`ra, Andijon shahar Zafar ko`chasidagi uyda yashab kelgan voyaga etmagan S.O`. va R.O`.ning jasadi yashash xonadonidan qotillik alomatlari bilan topilgan.
Mazkur holat yuzasidan Andijon shahar prokuraturasi tomonidan jinoyat kodeksining 97-moddasi 2-qismi “a” bandi bilan jinoyat ishi qo`zg`atilgan.
Hozirda jinoyat ishi bo`yicha dastlabki tergov harakatlari viloyat prokuraturasining o`ta og`ir jinoyatlarni tergov qilish bo`limi tomonidan o`tkazilmoqda.
Tergov harakatlari shaxsan viloyat prokurori tomonidan nazoratga olingan.
Ijtimoiy tarmoqda tarqalgan xabarlarga ko`ra, ota-onasi bolalarni o`g`irlab ketilgan deb, qidiruvga bergan bo`lgan.
