Vaqtincha mehnat faoliyatini amalga oshirish uchun Rossiya Federasiyasining Moskva, Blagoveshensk shaharlari va Chelyabinsk viloyatiga jami 130 nafar, Serbiyaga esa 15 nafar yurtdoshimiz jo`nab ketdi. Bu haqda Tashqi mehnat migrasiyasi agentligi matbuot xizmati xabar bermoqda.
Ma`lum qilinishicha, fuqarolarga kuzatish jarayonida odam savdosi bilan bog`liq jinoyat qurboni bo`lib qolishning oldini olish maqsadida tegishli tushuntirishlar berilib, mehnat migrantlari huquq va manfaatlarini himoya qilish yuzasidan materiallar tarqatildi.
