Ayni paytda Oliy Majlis Qonunchilik palatasining navbatdagi majlisi boshlandi.
Quyi palata matbuot xizmatinineg ma`lum qilishicha, deputatlar “O`zbekiston Respublikasining Konstitusiyasiga o`zgartish va qo`shimchalar kiritish to`g`risida”gi Konstitusiyaviy qonun loyihasining umumxalq muhokamasi bilan bog`liq masalani ko`rib chiqilyapti.
Ma`lumki, qonuni loyihasi 2022 yilning 25 iyunidan 5 iyuliga qadar umumxalq muhokamasiga qo`yilgan edi. Qayd etilishicha, Konstitusiyaviy qonun loyihasi yuzasidan umumxalq muhokamasi mamlakatimizning barcha hududlarida qizg`in tashkil etilmoqda. Bugungi kunga qadar Konstitusiyaviy qonun loyihasi yuzasidan aholi va fuqarolik jamiyati institutlaridan jami 57 mingdan ziyod takliflar kelib tushgan. Tahlil natijalari shuni ko`rsatmoqdaki, umumxalq muhokamasining dastlabki kunlarida Konstitusiyaviy qonun loyihasi yuzasidan kelib tushgan takliflar kuniga 700 ga yaqinni tashkil etgan bo`lsa, hozirgi vaqtga kelib, ularning soni kuniga 10 mingga etmoqda.
Ushbu raqamlar umumxalq muhokamasi aholining mazkur siyosiy jarayonlarga nisbatan daxldorlik hissi oshib, o`z fikr-mulohazalarini bildirishga qiziqishi tobora ortib borayotganini ko`rsatmoqda.
Shundan kelib chiqib, umumxalq muhokamasini yana 10 kunga, ya`ni 15 iyulga qadar uzaytirish taklif etildi.
Shuningdek, Qoraqalpog`iston aholisi bildirayotgan fikr va mulohazalarni o`rgangan holda Prezidentning O`zbekiston Respublikasi Konstitusiyasining 70, 71, 72, 74, 75-moddalarini amaldagi tahrirda o`zgarishsiz qoldirish haqidagi taklifi ham ko`rib chiqish uchun qabsl qilindi.
