Chorshanba kuni Toshkent markazidagi Oloy bozori qarshisida mobil telefonlari uchun quvvatlash qurilmalari va qo`llarni antibakteriologik tozalash uchun jihozlar bilan ta`minlangan bekat ochildi.
JCDecaux UZ va Bravo Pharma kompaniyalari bilan hamkorlikda bunyod etilgan bekat to`rtta qismdan tashkil topgan bo`lib, ularning har biri o`rindiqlar bilan bir qatorda telefon va smartfonlar uchun olti nuqtada quvvatlash qurilmalari (USB-portlarni o`z ichiga olgan jami 24 ta), yo`lovchi transporti yo`nalishlari xaritasi va antibakterial gel yordamida qo`llarni tozalash uchun uskuna bilan jihozlangan, deb xabar beradi “Gazeta.uz” nashri.
Qo`llarni tozalash uskunasini bekatga o`rnatish g`oyasini Bravo Pharma bosh direktori Rakesh Pandey taklif etdi.
Bravo Pharma bosh direktori Rakesh Pandey va JCDecaux UZ tijorat direktori Sanjar Yuldashev.
Bekatlarning yon panellari yo`lovchilar uchun xavfsiz 10 mm qalinlikdagi maxsus ishlov berilgan oynadan yig`ilgan bo`lsa, metall tirgaklar mashina zarbasini qaytara oladi. Bir necha kun muqaddam Nukus ko`chasida JCDecaux UZ bekatlaridan biriga avtotransport kelib urilishi bilan bog`liq hodisada tirgaklar zarbaga dosh berdi va bekatdagi yo`lovchilardan hech kimga ziyon etmadi.
«Bekatlarimiz dizayni Fransiyada Norman Foster tomonidan ishlab chiqilgan, — deydi JCDecaux UZ QK moliyaviy direktori Olga Akbarova. — Mazkur dizayn Toshkent hokimiyati tomonidan poytaxt ko`chalariga o`rnatish uchun tasdiqlandi. 200 ta shu kabi inshootga shartnoma tuzilgan». Bitta bekatning qiymati 10 ming evrodan oshadi, Toshkentda ular soni to`rtta yangisini qo`shib hisoblaganda 196 taga etdi.
Bekatlarga JCDecaux UZ xodimlari xizmat ko`rsatadi. Ular har kuni bekatlar oynalarini tozalab, shikastlangan qismlarini almashtirishadi. Ayrim hollarda johilliklarga yo`l qo`yilayotgani sababli ba`zi bekatlarga jamoat mulkini asrashga chaqiruvchi e`lonlar yopishtirildi.
Mazkur loyiha o`z nihoyasiga etganidan so`ng JCDecaux UZ bekatlar bo`yicha yangisini boshlashi ma`lum qilindi.
29.04.2024, 14:00
2024 yilning yanvar-mart oylarida nominal hisoblangan ish haqi o`rtacha 8 mln.ni tashkil etadi. Bu haqda Statistika agentligi xabar berdi. Ish haqining eng yuqori ko`rsatkichlari Toshkent...
22.04.2024, 15:52
Toshkent shahrida ijara narxlari pasayishda davom etmoqda. Bu haqda Makroiqtisodiy va hududiy tadqiqotlar instituti mutaxassislari ma`lum qildi. 2024 yil mart oyida fevralga nisbatan poytaxtda o`rtacha ta`mirlangan xonadonlar ijara...
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
