Prezident qarori (PQ–316-son, 12.07.2022 y.) bilan 2022–2026 yillar davomida respublika hududida amalga oshirilishi mo`ljallangan “Xavfsiz va ravon yo`l” umummilliy dasturi tasdiqlandi. Bu haqda Adliya vazirligi xabar berdi.
Dastur doirasida:
- avtomobil yo`llari infratuzilmasi kompleks takomillashtiriladi;
- avtomobil yo`llarida harakatni boshqarish tizimi raqamlashtiriladi;
- jamoat transporti rivojlantiriladi va raqamlashtiriladi.
Xususan, Qoraqalpog`istondagi shahar yo`lovchi transportining 70 ta bekatlarida yo`lovchilarga zarur bo`lgan barcha ma`lumotlarni real vaqt rejimida elektron taqdim etuvchi monitorlar joylashtiriladi.
Toshkent shahrida 30 ta avtomatlashtirilgan yo`l bo`yi pullik to`xtab turish joylari tashkil etiladi.
