Ispaniyada kuzatilgan jazirama issiqlik besh kun ichida 500 nafardan ziyod kishining o`limiga olib keldi. Bu haqda «EFE» xabar berdi.
Sinoptiklarning ma`lumotiga ko`ra, so`nggi kunlarda mamlakatda havo harorati 40 darajadan oshgan, ayrim hududlarda esa 45 darajagacha ko`tarilgan. 10 iyuldan 18 iyulgacha bo`lgan davrda havo haroratining keskin oshishi oqibatida 500 dan ziyod kishi vafot etgan.
O`limlar sonining eng yuqori cho`qqisi 14 iyul kuni kuzatilgan. Bu davrda qirollikning 93 nafar aholisi vafot etgan. Ko`pincha 75 yoshdan oshgan fuqarolar issiq harorat qurboniga aylanmoqda. Ispaniya iyun oyida issiqlik bilan bog`liq 829 kishining o`limini tasdiqlagan.
