COVID-19 pandemiyasi boshlanganidan buyon sayyoradagi sivilizasiyadan uzoqda bo`lgan, eng olis aholi punktlaridan biri - Pitkern orolida koronavirus qayd etildi.
Ma`lum qilinishicha, Pitkern oroli Tinch okeanidagi yagona Britaniyaning xorijdagi hududidir. U eng yaqin qit`adan 5 ming km uzoqlikda joylashgan. Aholisi taxminan 40 kishi. Koronavirus epidemiyasi boshlanganidan keyin orol izolyasiya qilingan va unga kirish yopilgan. Kirish cheklovlari faqat joriy yilning aprel oyida olib tashlanishi boshlandi, chunki orol iqtisodiyoti ko`p jihatdan turistlar oqimiga bog`liq edi. Ta`kidlanishicha, birinchi kruiz kemasi Pitkernga avgust oyida etib keladi.
Ma`lumotlarga ko`ra, birinchi infeksiya holati yaqinda Yangi Zelandiyaga davolanish uchun borgan orolda yashovchi fuqaroda qayd etilgan. Pitkern orolini dengizchilar mustamlaka qilgan. 1789 yilda ular kema bortida qo`zg`olon ko`tarib, yolg`iz orolga qo`nishdi va keyin kemani cho`ktirishdi. Orolning hozirgi aholisining aksariyati o`sha brigada ekipajining avlodlaridir.
