Imtiyozli kredit mablag`larini o`zlashtirgan MChJ va fermer xo`jaligi rahbarlari aniqlandi. Bu haqda Bosh prokuratura huzuridagi Departament xabar qildi.
Departamentning Ishtixon tuman bo`limi tomonidan o`tkazilgan tergovga qadar tekshirishda, “X.e.” fermer xo`jaligi rahbari M.J. xo`jalikka chorvachilikni rivojlantirish va xorijdan naslli chorva mollarini sotib olish uchun ajratilgan 780 mln so`m imtiyozli kredit evaziga xorijdan olib kelingan 31 bosh naslli qoramollarni sotib yuborib, kredit mablag`ini o`zlashtirganligi aniqlangan.
Shu kabi, Angren shahar bo`limi tomonidan o`tkazilgan tergovga qadar tekshiruvda, “M.O.” MChJga baliqchilikni rivojlantirish uchun ajratilgan 490 mln so`m imtiyozli kredit mablag`ini MChJ rahbari A.O`. boshqa maqsadlarda sarflab, o`zlashtirib yuborganligi aniqlangan.
Mazkur holatlar yuzasidan Jinoyat kodeksining 167-moddasi (o`zlashtirish yoki rastrata yo`li bilan talon-toroj qilish) bilan jinoyat ishlari qo`zg`atilib, tergov harakatlari o`tkazilmoqda.
👉@Department_uz
