Nexia II avtomobilini ishlab chiqarish to`xtatildi. Bugun, 8 avgustdan salonlarda uchinchi avlod Nexia avtomobili sotila boshlaydi. Bu haqda “Daryo” xabar bermoqda.
2016 yil 1 avgust kuni Asakadagi GM Uzbekistan avtozavodi konveyeridan eski avlod Nexia avtomobilining so`nggisi chiqdi. O`zbekistonda ishlab chiqarilgan birinchi sedan 20 yil davomida — 1996 yil iyulidan buyon chiqarib kelindi.
GM Uzbekistan ma`lumotlariga ko`ra, 20 yil mobaynida ushbu modeldagi 1,1 millionta avtomobil ishlab chiqarildi va sotildi. MDH mamlakatlarida 526 mingtadan ortiq Nexia sotildi.
Ushbu modeldagi avtomobillar bugungi kunda Rossiya, Qozog`iston, Ukraina, Ozarbayjon, Belarus, Armaniston, Moldova, Turkmaniston, Qirg`iziston, Tojikiston, Gruziya va Afg`oniston yo`llarida kezmoqda.
Nexia o`zini oqilona yonilg`i sarfi, o`z sinfi uchun yuqori bo`lgan ishonchlilik ko`rsatkichlari, qulay salon va Evropacha dizaynga ega ishonchli va arzon avtomobil sifatida ko`rsata oldi.
2008 yil iyunida ikkinchi avlod Nexia avtomobili ishlab chiqarila boshladi. Modelning old va orqa bamperlari, faralari, uskuna va eshik panellari o`zgardi, eshiklariga zarbaga qarshi to`sinlar o`rnatildi. Avtomobilga yanada baquvvatroq SOHC (86 ot kuchi, bungacha 75 ot kuchi) va DOHC (109 ot kuchi, bungacha 85 ot kuchi) dvigatellari o`rnatila boshladi.
Qaysidir fursatda Nexia mustaqil brendga aylandi va o`zbek avtomobil sanoatining deyarli sinonimiga aylanib qoldi. Ammo, ommabopligiga qaramay, vaqt o`tishi bilan, avtomobil ma`naviy jihatdan eskirishni boshladi.
Mohiyatan, Nexia — shunchaki model yoki avtomobil nomi emas. U xuddi «oltilik» («shestyorka») yoki «qo`ng`iz» (Volkswagen Beetle) kabi butun bir davr ramzi. Shu tufayli, GM Uzbekistan eski nomni saqlab qolishga qaror qildi. Buning uchun qadrdon Nexia’ning an`anaviy kuchli jihatlarini o`zida mujassam etgan munosib platformani topish kerak edi. Bu xususiyatlarning barchasiga T 250 (Yangi Nexia: Munosib voris) platformasi to`liq mos keladi.
Yangi Nexia O`zbekistondagi barcha avtosalonlarda bugun, 8 avgust kuni sotuvga chiqadi. Yil oxirigacha GM Uzbekistan 14,8 mingta yangi avlod Nexia avtomobilini chiqarish va sotishni rejalashtirmoqda.
05.01.2021, 21:17
2020 yil 28 dekabr kuni O`zbekiston Respublikasi Prezidentining “O`zbekiston Respublikasining 2021 – 2023 yillarga mo`ljallangan Investisiya dasturini amalga oshirish chora-tadbirlari to`g`risida”gi Qarori qabul qilingan edi....
12.05.2020, 20:18
Bugun 12-may kunining ikki yarmida Poytaxtimiz bo`ylab kuchli shamol va yog`ingarchilik bo`lishi ma`lum qilingan. Favqulodda vaziyatlar vazirligi shu munosabati bilan Toshkent shahri aholisini ogoh bo`lishga...
18.10.2017, 12:10
Kuni kecha soat chamasi 22:00 larda O`zbekiston hududiga kirib kelgan antisiklon orqasidan shiddatli shamol, yomg`ir va sezilarli sovuq harorat olib kirdi. Kuchli shamol poytaxtlik avtomobilchilarga...
30.09.2017, 09:32
GM Uzbekistan avtomobillar savdosi tizimini takomillashtirish ustida ishlashda davom etadi va o`z mijozlariga, kompaniya bilan aloqada bo`lishning yanada qulay va maksimal darajada shaffof bo`lgan xizmat...
