Sirdaryoda qiymati 220 hamda 128 mln so`mlik tovarlarning noqonuniy aylanmasiga chek qo`yildi

Jinoyat 24.08.2022, 08:17
Sirdaryoda qiymati 220 hamda 128 mln so`mlik tovarlarning noqonuniy aylanmasiga chek qo`yildi

Sirdaryo viloyati bojxona boshqarmasi Kontrabandaga qarshi kurashish bo`limi tezkor xodimlari DXX va Milliy Gvardiya Sirdaryo viloyati boshqarmalari xodimlari bilan hamkorlikda Toshkent shahri Chilonzor tumani hududida tibbiyot buyumlarining noqonuniy aylanuviga qarshi kurashish borasida tezkor tadbir o`tkazdi. Bu haqda O`zA yozmoqda.

Tezkor tadbir davomida oldindan kuzatuvga olingan, O`zbekiston fuqarosi B.M. boshqaruvida bo`lgan “ISUZU” rusumli yuk avtotransport vositasi avtoturargohga kelib to`xtagan vaqtida uning yukxonasi belgilangan tartibda xolislar ishtirokida ko`zdan kechirilgan. Yuk avtotransport vositasi yukxonasida xorijda ishlab chiqarilgan, bojxona rasmiylashtiruvidan o`tganligini tasdiqlovchi hech qanday hujjatlari bo`lmagan va sifati kafolatlanmagan dastlabki qiymati 220 mln. so`mlik jami 55 000 dona “infizion eritmalar tizimi – sistema” tibbiyot buyumi borligi aniqlanib, ashyoviy dalil sifatida olindi.

Bundan tashqari, viloyat bojxona boshqarmasi xodimlari boshqa huquqni muhofaza qiluvchi organlari bilan hamkorlikda Sirdaryo tumanida tezkor tadbir o`tkazganda kuzatuvga olingan fuqaro K.Sh. boshqaruvidagi “Mersedes” rusumli yuk mashinasi to`xtatilib, o`rnatilgan tartibda ko`zdan kechirilgan, uning yukxonasida hech qanday hujjatlari bo`lmagan, xorijda ishlab chiqarilgan dastlabki qiymati 128 million so`mlik 54 dona televizor borligi aniqlandi.

Hozirda mazkur holatlar yuzasidan dastlabki surishtiruv harakatlari olib borilmoqda.

Sharhlar

Ob-havo: Toshkent
Valyuta kursi
1