Yaponiya polisiya bosh boshqarmasi rahbari Itaru Nakamura iste`foga chiqdi. U sobiq bosh vazir Sindzo Abega uyushtirilgan suiqasdda xavfsizlik choralari etarli darajada ko`rilmagani uchun javobgarlikni zimmasiga olmoqchi. Bu haqda Zamon sayti yozmoqda.
“Xavfsizlikni ta`minlash tizimi tubdan qayta ko`rib chiqiladi”, – degan u.
Kyodo agentligi ma`lumotlariga ko`ra, Nakamura jamoat xavfsizligi bo`yicha komissiyaga iste`foga ketish istagini bildirgan. Bu 26 avgustda amalga oshishi kutilmoqda.
Polisiya boshqarmasi Abe nutq so`zlayotgan paytda qo`riqchilar to`g`ri joylashtirilmaganini aniqlagan. Bu uning o`limiga olib kelgan asosiy omillardan biri sifatida ko`rilmoqda.
