Ijtimoiy tarmoqlarda Toshkent viloyati, Qibray tumani, Madaniyat yo`lida ayanchli YTH sodir bo`lgani bilan bog`liq xabarlar tarqatilgan
Viloyat IIB YHXB axborot xizmati xabariga ko`ra, hodisa bundan ikki kun avval 1999 yilda tug`ilgan haydovchi — Toshkent shaxrida yashovchi S.D boshqaruvidagi “Nexia-3” rusumli avtomobili bilan sodir bo`lgan.
U Toshkent viloyati Toshkent tumani Ibrat maxalla fuqorolar yig`ini Madaniyat ko`chasi 46-uy qarshisida rul boshqaruvini yo`qotib, yo`lning chetidagi daraxtga urilib, yo`l transport hodisasi sodir etgan.
Ushbu yo`l transport hodisasi natijasida haydovchi S.D voqea joyida vafot etgan. Avtotransport vositasida yo`lovchi sifatida harakatlanib ketayotgan 2001 yilda tug`ilgan M.D Toshkent tumani markaziy shifohonasiga olib ketilgan.
"Hozirda holat yuzasidan Toshkent tumani IIB tomonidan tergov harakatlari olib borilmoqda",-deyiladi xabarda.
