Lord Jerald Grosvenorning o`g`li va yozuvchi Aleksandr Pushkinning avlodlaridan bo`lgan 25 yoshli Xyu otasining o`limidan keyin uning merosiga egalik qilib, Buyuk Britaniyaning eng yosh milliarderiga aylandi, deb xabar berdi “Lenta.ru” nashri.
Buyuk Britaniyaning eng yirik zamindori, Vestminster Gersogi 8 avgust kuni 64 yoshda yurak xurujidan vafot etdi. Grosvenor mamlakatning eng boy odamlari ro`yxatida uchinchi o`rinni egallagan edi. Uning boyligi 9 milliard funt (11 milliard dollardan ortiq) deb baholangan.
Tadbirkor otasining vafotidan keyin aynan Xyu uning gersoglik unvoni va boyligiga egalik qiladigan bo`ldi. Mamlakat qonunlariga binoan uning opalari merosga da`vogarlik qilolmaydi. Bundan tashqari, Xyu Kembrij gersogi va gersoginyasi Uilyam va Ketrinlarning farzandlari — shahzoda Jorj va Aleksandra Luilarga cho`qintirgan ota bo`lish huquqini ham qo`lga kiritdi.
Xyu Grosvenor va uning opalari rus yozuvchisi Aleksandr Sergeevich Pushkinning avlodlaridan hisoblanadi. Ularning onasi Natalya Grosvenor kelib chiqishi jihatdan podsho Romanovlar oilasi va Britaniya Vindzorlar qirollik uyiga mansubdir.
