Rejissyor Jahongir Qosimov nima uchun "Is`hoqxon Ibrat" badiiy filmidagi bosh rolga o`zbek aktyori emas xorijda ijod qiladigan Farhod Mahmudovni tanladi?
Albatta bu savol barchani qiziqtirishi tabiiy.
Rossiya Federasiyasida xizmat ko`rsatgan artist bu savolga quyidagicha javob berdi. Farhod Mahmudovning fikricha, rejissyor uni taklif etgan bosh rolga ayni mos keladi.
"Men buni sababini yaxshi bilaman",-deydi aktyor.
Uning fikricha, yashash tartibi, hayotiy tajribalari va hatto saboqlari o`zi ijro etgan rol bilan juda mutanosib.
"Bilasizmi, balki bu men o`sha davrda Sovet Ittifoqi tarkibida bo`lgan O`zbekistonda, kegin umuman boshqa mamlakatning bir burchagida yashaganim uchundir. O`sha bir necha hududlar orasida hayot kechirgan bir odam sifatida u (Is`hoqxon) xulqi va qarashlari bilan mutlaqo boshqa inson. Men bilmayman, balki menda shu qarashlar bordir. Shunisi aniqki, rejissyor Jahongir Qosimov erliklarga xos bo`lmagan qarashlar va hislatlar egasini mazkur filmda men orqali ochib bermoqchi bo`lgan",-deydi u.
Dilbar Abdunabieva.