Ijtimoiy tarmoqlarda 10-sinf biologiya fani darsligidagi rasmlar ostiga rus tilida izohlar yozilgani, ayrim joylarida raqamlar qolib ketgani tasvirlangan suratlar tarqaldi.
Xalq ta`limi vazirligi huzuridagi Respublika ta`lim markazi biologiya fani darsligida xatoliklarga yo`l qo`yilgani aytilgan xabarlarga munosabat bildirdi.
Qayd etilishicha, 10-sinf "Biologiya" darsligi deya ko`rsatilgan sahifa bir necha oy avval ijtimoiy tarmoqlarda tarqagan darslikning ishchi fayli bo`lib, darslikning original maketida mazkur xatoliklar kuzatilmaydi.
"Shu o`rinda keng jamoatchilikdan tarqatilayotgan asossiz xabarlarga ishonib qolmasliklarini so`raymiz", deyiladi munosabatda.
