«Darakchi-plyus» va Facebook dagi «Delikates» oshpazlar uyushmasi O`zbekiston Respublikasi mustaqilligining 25 yilligi munosabati bilan “25 yosh” tanlovini o`tkazadi.
Tanlovning asosiy sharti 25 raqamidan foydalangan holda, shaxsan o`zingiz taom tayyorlashingiz va uni suratga olib, sahifangizga joylashtirishingiz lozim.
Facebook dagi bu tanlov 16 avgustgacha davom etadi.
17 avgust kuni ovoz berish yo`li bilan tanlovning 10 nafar finalchisi aniqlanadi. Eng sara taomlar tanlanayotganda uning tanlov shartlaridan kelib chiqib, mohirona va ustalik bilan bezatilishiga, g`oyaning kreativligiga e`tibor beriladi.
Tushunarli tilda taomning resepti ham yozilsa maqsadga muvofiq bo`ladi.
18 avgust kuni barcha finalga chiqqan ishtirokchilar tayyorlagan taomning fotosuratlari http://ru.darakchi.uz/ saytida e`lon qilinadi.
19 avgust kuni soat 15:00 da ovoz berish yakunlanadi va tanlov g`oliblari aniqlanadi.
20 avgust kuni tanlov g`oliblari http://ru.darakchi.uz/ saytida e`lon qilinadi.
DIQQAT!!! “25 yosh” tanlovi g`oliblari uchun sovg`alarni tanlov homiysi Artel kompaniyasi taqdim etadi!
1 o`rin - mini-pechka
2 o`rin - multivarka
3 o`rin – vaznni o`lchash tarozisi
Bundan tashqari, tanlovning “eng yoqimli taom” nomli maxsus sovrini bo`lib, unda g`olib chiqqan odamga sendvich tayyorlagich sovg`a qilinadi.
Tanlovda 4-5 o`rinni olgan ishtirokchilar «Darakchi-plyus» gazetasining rag`batlantiruvchi sovg`alariga ega bo`lishadi.
Sovg`alar topshiriladigan kun haqida alohida ma`lumot beriladi.
Darvoqe, eng yaxshi deb tan olingan taomlar resepti 2016 yilning 1 sentyabr kuni «Darakchi-plyus» gazetasining bayram sonida chop etiladi!
Pazandalik mahoratingizni ko`rsatish va qimmatbaho sovg`aga ega bo`lish uchun shoshiling! Omad tilaymiz!
