14 avgust, yakshanba kuni kechqurun Toshkent shahri Muqimiy va Bunyodkor ko`chalari chorrahasida Spark avtomobili ishtirokida jiddiy YTH sodir bo`ldi. Bu haqda “Novosti Uzbekistana” nashri xabar bermoqda.
Guvohlarning ma`lum qilishicha, chorrahada yo`lni ta`mirlash ishlari olib borilayotganini anglatuvchi belgilar o`rnatilmagan. Oqibatda esa Spark avtomobili chuqurlikka tushib ketgan.
Ma`lumotlarga ko`ra, mazkur chorrahada tramvay relslarini demontaj qilish ishlari olib borilgan. Oqibatda chorraha o`rtasida katta chuqurlik vujudga kelgan, biroq bu haqda haydovchilarni ogohlantiruvchi belgilar o`rnatilmagan. “Spark” haydovchisi soatiga taxminan 70 km tezlikda kelayotgan edi. Chorraha qorong`u bo`lgani bois haydovchi chuqurlikni o`z vaqtida ko`rishga va tormoz pedalini bosishga ulgurmagan.
Avtohalokat guvohlarining so`zlariga ko`ra, “Spark” haydovchisini chuqurlikdan olib chiqishga yarim soatlarcha harakat qilishgan va oqibatda turli darajadagi tan jarohatlarini olgan haydovchi poytaxtdagi shifoxonalardan biriga joylashtirilgan.
12.05.2023, 09:55
Surxondaryo viloyatining Uzun tumanida "Gentra" jarlikka tushib ketishi oqibatida ikki kishi halok bo`ldi. Bu haqda viloyat IIB YHXB axborot xizmati xabar bermoqda.Ma`lum qilinishicha, hodisa joriy...
06.02.2023, 13:36
Qoraqalpog`iston Respublikasi Qo`ng`irot tumanida Nexia-3 va yuk mashinasi ishtirokida oxiri o`lim bilan yakunlangan YTH sodir bo`ldi. Bu haqda Qoraqalpog`iston IIV matbuot xizmati xabar bermoqda.Ma`lum qilinishicha,...
30.01.2023, 12:13
Samarqandda inson o`limi bilan bog`liq ayanchli YTH sodir bo`ldi. Bu haqda viloyat IIB matbuot xizmati xabar qilmoqda. Ma`lum qilinishicha, 24 yanvar kuni soat 07:30 atrofida Samarqand...
13.01.2023, 09:20
Kecha, 12 yanvar kuni Toshkent shahrida 17 ta mashina ishtirokida yo`l-transport hodisasi sodir bo`ldi. Poytaxt YHXB axborot xizmati hodisa yuzasidan ma`lumot taqdim etdi.Ma`lum qilinishicha, soat 20:40...
