Joriy yilning 8 oktyabr kuni “Toshkent-Qarshi” yo`nalishi bo`ylab harakatlanayotgan "Afrosiyob" poezdida ketayotgan Rossiya fuqarosi Samarqandda tushayotib, sumkasini unutib qoldirgan. Bu haqda Transport va turizm ob`ektlarida xavfsizlikni ta`minlash departamenti xabar bermoqda.
Sumkaning ichida 2000 AQSh dollari, 5180 Evro, 11500 Rossiya rubli, 1 dona noutbuk va telefon apparati shuningdek, shaxsiy buyumlari bo`lgan.
Transport va turizm ob`ektlarida xavfsizlikni ta`minlash departamenti xodimlari tomonidan zudlik bilan olib borilgan surishtiruvlar natijasida qo`l sumkasi topilib, buyumlari to`liq xolatda o`z egasiga qaytarildi.
