Ijtimoiy tarmoqlarda Surxondaryo viloyati Denov tumanidagi shifoxonada hamshiraning farzandi oldida kaltaklangani haqidagi video-lavha tarqaldi. Sog`liqni saqlash vazirligi holat yuzasidan rasmiy munosabat bildirdi.
Qayd etilishicha, tuman sil kasalliklar shifoxonasi bosh hamshirasi D.I. va mazkur davolash muassasasi fizioterapiya bo`limi hamshirasi S.T.ning shaxsiy adovati sabab, 18 oktyabr kuni ziddiyatli holat yuzaga kelgan.
Ushbu holatga S.T.ning yaqinlari ham aralashib, shifoxona bosh hamshirasiga tan jarohati etkazgan.
Shuningdek, tibbiyot xodimlarining odob-ahloq qoidalariga zid hatti-harakatlarni sodir etgan hamshiralar vaqtincha ishdan chetlashtirilgan hamda kaltaklangan hamshira qizining ruhiy holati va sog`lig`i mutaxassislar nazoratiga olingan.
Hozirda huquq-tartibot idoralari tomonidan ushbu holat yuzasidan tegishli surishtiruv ishlari olib borilib, voqea sabablari aniqlanayotgani ma`lum qilingan.
