2-8 sentyabr kunlari mamlakatimiz bo`ylab Muzeylar haftaligi o`tkazildi.
Yurtimizda yoshlarni xalqimizning bebaho madaniy merosi, milliy va umumbashariy qadriyatlar, ilm-fan yodgorliklari, san`at asarlari bilan yaqindan tanishtirish, ularda Vatanga muhabbat, istiqlol g`oyalariga sadoqat tuyg`usini mustahkamlashga qaratilgan izchil islohotlar amalga oshirilmoqda, deb yozadi O`zA.
Fan va madaniyatni rivojlantirish, aholi, ayniqsa, yoshlarda vatanparvarlik, tariximiz va buyuk ajdodlarimiz merosi bilan faxrlanish tuyg`usini kuchaytirish maqsadida Muzeylar haftaligi o`tkazildi.
Istiqlol yillarida mamlakatimizda muzeylar faoliyati tubdan takomillashtirilib, ularning moddiy-texnik bazasi yaxshilandi. Shu davrda bunyod etilgan Temuriylar tarixi davlat muzeyi, Qatag`on qurbonlari xotirasi muzeyi, Termiz arxeologiya muzeyi singari dargohlar xalqimizning ulkan bunyodkorlik va ma`naviy salohiyatini namoyon etib turibdi. Samarqand, Buxoro, Xiva kabi qadimiy shaharlarimizda qayta ta`mirlanib, yangicha qiyofa kasb etgan muzeylarda ayni paytda xalqimiz tarixi va madaniyatiga oid ko`plab eksponatlar saqlanmoqda.
Madaniyat va sport ishlari, Oliy va o`rta maxsus ta`lim hamda Xalq ta`limi vazirliklari, O`zbekiston Badiiy akademiyasi, Yozuvchilar uyushmasi hamkorligida 2-8 sentyabr kunlari o`quvchi-yoshlar, talabalar hamda tomoshabinlar uchun muzeylarda ekspozisiya va ko`rgazmalar tashkil etildi.
O`zbekiston Respublikasi Vazirlar Mahkamasining 2014 yil 11 iyuldagi “Davlat muzeylarining bolalar va ularning ota-onalariga ochiqligini ta`minlash chora-tadbirlari to`g`risida”gi qarori bu borada muhim dasturilamal bo`layotir. Endilikda barcha davlat muzeylari haftaning seshanba va juma kunlari bolalar va ota-onalarga bepul xizmat ko`rsatmoqda.
Muzeylar haftaligida O`zbekiston Respublikasining Birinchi Prezidenti Islom Karimov xotirasiga bag`ishlangan darslar, «Mustaqil yurt ijodkorlari», «Istiqlolga tengdosh ijodkorlar», «Mustaqillik bergan bebaho ne`mat», «Ustoz ijodkorlarga ehtirom», «O`zbek liboslari jilosi» kabi ko`plab ko`rgazmalar ochildi. «Hunarlining qo`li oltin» mavzuida mahorat darslari, davra suhbatlari, usta-hunarmandlar bilan uchrashuvlar, ilmiy-amaliy seminarlar tashkil etildi.
Ko`rgazmalarda istiqlol yillarida qo`lga kiritilgan yutuq va marralar, mamlakatimizning salohiyati va qudrati, uning xalqaro maydonda nufuzi tobora yuksalib borayotgani rang-barang ekspozisiyalar orqali namoyish etildi.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...22.06.2022, 15:14
O`zbekiston Prezidenti Shavkat Mirziyoev va Ozarbayjon Prezidenti Ilhom Aliev Xiva shahriga tashrif buyurdi. Bu haqda Prezident matbuot xizmati xabar qilmoqda. Kecha bo`lib o`tgan muzokaralar yakunida davlatimiz...