Ostona shahrida Qosim-Jomart Toqaevning Qozog`iston prezidenti lavozimiga kirishish marosimi bo`lib o`tdi. U qasamyod qildi va rasman o`z lavozimiga kirishdi, bu bilan u etti yilga qaytadan davlat rahbari etib saylandi.
Tantanali marosim Mustaqillik saroyida bo`lib o`tdi. Unda, jumladan, Qozog`istonning birinchi prezidenti Nursulton Nazarboev, hukumat a`zolari va parlament deputatlari, diplomatlar va jamoatchilik vakillari ishtirok etdi.
“Qozog`iston xalqiga sadoqat bilan xizmat qilishga, Qozog`iston Respublikasi konstitusiyasi va qonunlariga qat`iy rioya qilishga, fuqarolarning huquq va erkinliklarini kafolatlashga, menga yuklangan yuksak vazifalarini vijdonan bajarishga qasamyod qilaman”, — dedi Qosim-Jomart Toqaev.
Eslatib o`tamiz, 20 noyabr kuni Qozog`istonda muddatidan oldin prezidentlik saylovlari bo`lib o`tdi. Markaziy saylov komissiyasi ma`lumotlariga ko`ra, prezident Tokaev 81,31 foiz ovoz bilan qayta saylangan. Yakuniy saylovchilarning 69,44 foizi ishtirok etdi. Avvalgi saylovlar 2019 yilda bo`lib o`tgan, o`shanda Qosim-Jo`mart Toqaev 70,96 foiz ovoz olgan edi.
