Остона шаҳрида Қосим-Жомарт Тоқаевнинг Қозоғистон президенти лавозимига киришиш маросими бўлиб ўтди. У қасамёд қилди ва расман ўз лавозимига киришди, бу билан у етти йилга қайтадан давлат раҳбари этиб сайланди.
Тантанали маросим Мустақиллик саройида бўлиб ўтди. Унда, жумладан, Қозоғистоннинг биринчи президенти Нурсултон Назарбоев, ҳукумат аъзолари ва парламент депутатлари, дипломатлар ва жамоатчилик вакиллари иштирок этди.
“Қозоғистон халқига садоқат билан хизмат қилишга, Қозоғистон Республикаси конституцияси ва қонунларига қатъий риоя қилишга, фуқароларнинг ҳуқуқ ва эркинликларини кафолатлашга, менга юкланган юксак вазифаларини виждонан бажаришга қасамёд қиламан”, — деди Қосим-Жомарт Тоқаев.
Эслатиб ўтамиз, 20 ноябрь куни Қозоғистонда муддатидан олдин президентлик сайловлари бўлиб ўтди. Марказий сайлов комиссияси маълумотларига кўра, президент Токаев 81,31 фоиз овоз билан қайта сайланган. Якуний сайловчиларнинг 69,44 фоизи иштирок этди. Аввалги сайловлар 2019 йилда бўлиб ўтган, ўшанда Қосим-Жўмарт Тоқаев 70,96 фоиз овоз олган эди.
