Ijtimoiy tarmoqda Cobalt avtomobili ichida 5 nafar fuqaro bilan pastlikka tushib ketganligi haqida ma`lumot tarqaldi. Holat yuzasidan YHXX axborot xizmati ma`lumot berdi.
Ma`lum qilinishicha, 2022 yil 19 dekabr kuni soat 20:00 larda Andijon shahridagi "Obod mahalla" MFY hududiga kirish yo`lida tumanli ob-havo sabab Cobalt avtomobili haydovchisi boshqaruvni yo`qotib pastlikka tushib ketgan.
Transport vositasida haydovchining o`zi bo`lgan, yo`lovchilar bo`lmagan.
Hodisa natijasida hech kim tan jarohati olmagan. Haydovchiga amaliy yordam ko`rsatilib, avtomobil pastlikdan chiqarilgan, deyiladi xabarda.
