Kecha ijtimoiy tarmoqlarda Ikramov Adham Ilhamovich Savdo-sanoat palatasi Rayosati raisi lavozimiga saylangani haqida xabarlar tarqalgan edi.
Shu sababdan, Sportni rivojlantirish vazirligi quyidagi ma`lumotlarga izoh beradi.
Savdo-sanoat palatasi Rayosati raisi yangi ta`sis etilgan lavozim bo`lib, unga Prezident tavsiyasi bo`yicha Adham Ikramov saylangan. Ma`lum qilinishicha, bu jamoatchilik asosidagi lavozim hisoblanadi.
Vazirlik bergan bayonotga ko`ra, ayni vaqtda Adham Ikramov Sportni rivojlantirish vaziri sifatida faoliyatini davom ettirmoqda. Savdo-sanoat palatasi raisi Davron Vahobov ham o`z ishini davom ettirmoqda.
