Toshkent shahrining Mirzo Ulug`bek tumanida ro`yxatda turib, Jizzax viloyati Forish tumani Do`stlik mahalla fuqarolar yig`inida vaqtincha yashovchi X.Ch. ov qurolidan jarohatlandi. Bu haqda viloyat IIB xabar bermoqda.
Chorva mollaridan xabar olish maqsadida yo`lga chiqqan ushbu shaxsning ehtiyotsizligi oqibatida elkasidagi miltiq otilib ketib, sochma qo`rg`oshin o`qning bir donasi tovoniga tekkan. U shifoxonaga yotqizilgan.
“Ij-54” rusumli, 12 kalibrli, 2 stvolli ov quroliga jabrlanuvchi qonuniy egalik qilgan. Holat yuzasidan tergovga qadar tekshiruv harakatlari olib borilmoqda.
