Vladimir Putinning matbuot kotibi Dmitriy Peskov safarbarlikning ikkinchi to`lqini ehtimoli haqidagi xabarlarga izoh berdi. Bu haqda zamon.uzxabar bermoqda.
Peskov bu haqda ijtimoiy tarmoqlarda tarqatilgan postlarga katta ahamiyat bermaslikka chaqirdi.
"Umuman olganda, Telegram kanallariga ahamiyat berishning hojati yo`q. Asosiy manba - bu Rossiya Federasiyasi Prezidenti boshchiligidagi rasmiy hokimiyat", — deya Peskovning so`zlaridan iqtibos keltiradi "Interfaks".
Ukraina harbiy razvedkasi ikki kun avval Rossiya hukumati yana 500 ming askarni safarbar etish niyatida ekanini ma`lum qilgandi. Razvedka ma`lumotlariga ko`ra, yangi safarbarlik to`lqini 15 yanvar kuni qishki ta`tildan keyin e`lon qilinishi mumkin.
Ma`lumot uchun:
Rossiya Mudofaa vazirligi safarbarlik 2022 yil 31 oktyabrda yakunlanganini e`lon qilgandi.
