Ijtimoiy tarmoqlarda Farg`ona viloyati Qo`qon shahrida mashina o`g`rilari paydo bo`lgani haqida xabarlar tarqaldi. Holat yuzasidan viloyat Ichki ishlar boshqarmasi ma`lumot berdi.
Tarqalgan xabarlarga ko`ra, Qo`qon shahridagi "Chorsu" mahallasida dekabr oyi oxiridagi 4 kunlikda 3 ta mashina olib qochilgan.
Qayd etilishicha, hozirda holat yuzasidan Qo`qon shahar Ichki ishlar boshqarmasi tomonidan tergovga qadar tekshiruv harakatlari olib borilmoqda.
"Holat to`liq nazoratga olingan. Natijasi bo`yicha qo`shimcha ma`lumot beriladi", deyiladi xabarda.
