Ijtimoiy tarmoqlarda "Andijonda bir oilaning uyi moshinasi bilan yonib ketibdi", sarlavhasi bilan video tarqaldi. FVV bu bo`yicha bayonot berdi.
Ma`lum qilinishicha, bugun, 13-yanvar kuni soat 06:18 da Andijon viloyati Andijon tumani “Dehqon” MFY Barhayot ko`chasida joylashgan xonadonlarning birida yong`in sodir bo`lgan. Voqea to`g`risida tuman FV bo`limiga xabar tushgan.
Shunga ko`ra 3 ta yong`in-qutqaruv ekipaji soat 06:33 da voqea joyiga etib borib, yong`in 06:55 da bartaraf etilgan.
Baxtsiz hodisa natijasida xonadonning 50 kv.m maydonda shift, tom va uy jihozlari hamda darvozaxonasida bo`lgan “DAMAS” avtomobili yonib zararlangan. Yong`indan uyining 120 kv.m maydoni saqlab qolingan.
Hodisa oqibatida tan jarohati olgan va halok bo`lganlar yo`q. Hozirda uning sababi va moddiy zarar miqdori aniqlanmoqda.
