“Lester” jamoasi yarim himoyachisi Deniel Drinkuoter qishki transfer mavsumida boshqa klubga o`tib ketishi mumkin, deya ma`lum qiladi Championat.com nashri.
Ma`lum bo`lishicha, angliyalik 26 yoshli futbolchiga “Manchester Yunayted” qiziqish bildirgan. Mankunianlar uning transferiga 35 million evro sarflashga tayyor ekani ma`lum qilinmoqda.
Qayd etish kerakki, Drinkuoter “MYu” tarbiyalanuvchisi hisoblanadi, ammo jamoa safida birorta ham rasmiy o`yin o`tkazmagan. O`tgan mavsumda yarim himoyachi “Lester”ning 35 o`yinida maydonga tushib, 2 ta gol urgan va Angliya chempioniga aylangan.
