Bugun, 31 yanvar kuni soat 07:55 larda Qoraqalpog`iston Respublikasi Nukus tumani "Okterak" MFYda joylashgan 2 qavatli uyda gaz-havo aralashmasining chaqnashi sodir bo`lgan. Bu haqda FVV xabar bermoqda.
Hodisa joyiga zudlik bilan tuman FV bo`limi yong`in-qutqaruv ekipajlari etib borgan.
Favqulodda vaziyatlar vazirligining ma`lum qilishicha, chaqnash oqibatida 4 nafar fuqarolar turli darajada tan jarohati olib, Nukus tumani tibbiyot birlashmasiga yotqizilgan.
"Hozirda chaqnashning sababi va zarar miqdori aniqlanmoqda. Holat yuzasidan dastlabki tergov oldi surishtiruv ishlari olib borilmoqda", — deyiladi xabarda.
